目前日期文章:201403 (5)

瀏覽方式: 標題列表 簡短摘要

借人過橋或者俾人借黎過橋既事相信大家都試過,只要事先約好應該都唔會有咩問題,

之不過我呢次講既一單經歷絕對令我不快,而且仲係由於朋友(經已飛左)既唔老實,

話說我都在blog講過曾經識過一條友(養爬蟲既)住公屋,中學生,無咩錢,

但係佢物慾都算幾強,成日買爬蟲,咁佢唔想佢阿媽話佢花咁多錢買爬蟲,

就在無事先知會我的情況下話係我送既,跟住就過左骨,

我係佢朋友之中唯一有正職有學識既人,而佢阿媽都請教過我法律d野,

所以佢特別鐘意借我過橋(呢d都係我事後先知,我覺得怪,質問過佢係咪,佢先肯認)

佢可能見我身份好洗好用啦,所以話唔定連洗幾多錢同出夜街都屈埋響我身上,

令到佢阿媽懷疑我搞細路! (呢下真係好嬲,完全有損我的名譽!!)

咁當有一次我幫佢免費補完習之後佢就問呀媽攞錢再送我落街,

仲要走之前同佢媽媽講要12點幾1點先返,我就覺得唔妥,

佢阿媽一問同我食飯洗咩食到咁夜,我就即刻話我返屋企食,同佢無關,

而且我仲係唔洗錢幫佢個仔免費補習,咁果次佢阿媽先知佢係去搵其他friend玩!

自從果次之後,我諗返佢阿媽問既野同埋佢在佢阿媽面前講既野,就知我食左唔少死貓,

響咁既情況下,儍既都知咩事啦! 我覺得佢真係好陰濕好唔老實,已經唔係朋友,

跟住之後佢MSN add我,我就問佢係咪成日借我過橋,話d爬蟲係我送,佢先肯認,

而且佢仲覺得一d都無問題,更加覺得唔洗事先知會我,呢樣真係好恐怖!!

我第一就係諗點解我會識到呢d人,惹左呢d人上身都覺得羞恥!

跟手就delet左同埋ban左佢的MSN,仲有電話都係,真係當識少個好了~怕怕~

除此之外,我都試過一d樂意俾人借過橋的經歷,

我以前有個friend由小學識到中學,佢父母離異,因為佢同父親住,而佢父親又再婚,

個"新媽咪"對佢兩兄妹非常之差,簡直係當佢妹仔咁洗,我去佢屋企玩都要整野佢食!

而佢個老豆又好憎佢地個親生阿媽,

所以就算法庭判左要俾佢地每星期見一次面,佢老豆都唔俾佢地見,

咁每當佢想見生娘時,我呢d friend既身份就可以派上用場啦~

我地夾好晒時間,佢就同佢老豆講同我去玩,其實就係去見親生媽咪,

我就只係借個身份出黎,夾下口供(其實佢老豆都唔會問長問短)就ok,

雖然法庭係到佢18歲先正式判返俾阿媽,但係佢做妹仔做到16歲已經頂唔順了,

到佢16歲就同阿哥搬返去同阿媽一齊住,唔洗再用我地d friend黎做借口lu~

孔子教我地君子要成人之美,我覺得呢個就係最好例子啦~

唔知大家又有無試過d比較深刻既借過橋經驗可以分享下呢?

DoctorRabbit 發表在 痞客邦 留言(1) 人氣()

有時候,真係好感慨家底的重要性,

窮人的孩子除了要出頭特別難之外,還特別容易學壞,(不知跟家長長時間工作,無力管教有關,還是家長本身都讀得書少,不懂管教有關),總之窮人的孩子問題總是比中產家庭嚴重.

我又不是有仔女的阿媽級人馬,為什麼我會如此感慨呢? 其實是我認識的兩個相同年齡的朋友,一個是中產家庭出身,另一個是窮家出身,而他們的待人接物,行為處事都南轅北轍.

這兩位朋友都是初中生,出身中產家庭的A君就讀區內名校,住市區地鐵上蓋"平版豪宅",性格比較沉默寡言;出身窮家的B君就讀屋村學校,住新市鎮公屋,性格主動多言.

本來人的性格和出身不盡相同,無須太在意分辦,但認識的日子久了,就會發現固中的差別,很值得我們反思香港的青少年到底出了什麼問題.

A君說話不多,但有條理,有禮貌,認識幾年間,見過6,7次,有時也會以MSN談話; 相反,B君說話很多,比較喜愛"認叻",說話沒分寸,不懂禮節,只認識了幾個月就經常主動約我出來,見過十多次,除了經常MSN我之外,也會很小事就打電話給我,令人覺得挺煩.

會令我思考青少年的問題,主要是由於B君的行為太過令我吃驚,所以才會拿同是青少年的A君作對比.

有一次行完魚街,與B君去茶餐廳食野,我只要火腿通粉和凍檸茶,但原來叫C餐仲平過散叫,所以我就點了附有蛋治的C餐. 之後B君無點野食,反而問我:"你唔食蛋治架呵?" 我當時的確唔想食太多,既然B君想食,就俾埋佢,都無問佢夾返錢.

點知第二次又係咁,我都無咩留意,係我現在諗返,覺得可能係我無叫佢夾返錢,所以先助長左B君"痴飲痴食"的行為,簡直就好似以前讀心理學的Reinforcement咁樣! 到後來佢居然仲好似d"劣質港女"咁叫我買野(雖然只係10元)俾佢!

我對朋友一向無咩戒心,加上果時剛剛離職,又未返下一份,佢話無相機,叫我幫佢影d寵物,我就幫佢影;佢話唔識做功課我就唔怕蝕底教埋佢,佢屋企人有法律問題就拎份合約黎問我,我都照答,佢話就黎考試唔識我又照教,但係已經有d覺得佢好煩.

有一次,我去B君屋企教完佢之後,佢阿媽返黎,我出門口之前,佢就問佢阿媽攞寧用錢,佢阿媽望下我又望下佢,一路俾錢佢時,一路問我:"你找到工未呀?"

我果時都未諗咁多,就照答:"未呀,我仲有萬幾蚊慢慢用,駛咩咁早搵定呢?"

之後佢出門的時候同呀媽講話會過左12點先返,佢呀媽就好緊張咁問:"同佢食飯駛咩食到咁夜呀?"

我就即時知道,B君借我過橋問佢呀媽攞錢!! 佢呀媽以為我收錢補習兼要佢個仔請食飯! 我唔洗錢同佢補習,佢居然咁樣損害我的聲譽!? 我就即時好老實咁話: "唔係呀,我教完佢就自己返屋企食飯架啦,車費都蝕埋呀!!"

咁佢呀媽就更驚訝咁問:"咁你問我攞咁多錢去到咁夜做咩呀?" 之後B君先至死死氣同呀媽講佢要同同學去玩.

自此之後,我就刻意疏遠B君,因為覺得佢份人實在太唔老實! 諗返佢阿媽之前幾次特然用佢手機打俾我,有次又問我地點識,可能佢以為我同佢個仔拍拖,仲以為我"痴飲痴食"!!

經過呢次經歷,我就以後都會好小心呢種我稱為"攞男"既人! 唔知大家又有無類似的經歷呢?

DoctorRabbit 發表在 痞客邦 留言(1) 人氣()

一個人生活在爾虞我詐的商業社會,多多少少都會遇到一些老千騙局,

只要你頭腦清醒,不貪心,意志堅定,就沒有一個老千可以成功昆到你口袋裡的錢.

以下我會寫一些我遇過的,也是香港常見的騙局給大家參考,說不定你也見識過~

(一)模特兒騙局

行過銅鑼灣近sogo的一條路,會有一個中年女人周圍同路過的女仔講話佢公司搵緊大/中/細碼衣服的模特兒,問你有無興趣去試,我遇過兩次,兩次都係佢未講完我就走左,一句話都唔洗同佢講,我心諗:佢居然想找我落手,對我黎講簡直係侮辱! 呢d招數睇過報紙雜誌都知,一上到去就會話你有咩咩問題唔可以即刻接job,要俾幾多萬去買佢地的美容護膚套餐,做完之後先可以接job,但係受害人俾晒錢之後就無晒聯絡,到時受害人就會驚覺受騙,真係智力正常都唔會中招!

(二)旅遊會籍騙局

呢d通常都係打個電話黎,話你中左咩咩獎,可以獲得一個價值幾多的旅遊會籍或者xx星號雙人幾多天旅遊套票,但係要親身上去聽完講座先可以拎到,咁呢d我同公貓都遇過幾次,可想而知白撞率幾高! 次次都係俾我鬧爆佢收場,因為浪費左我一分鐘通話時間. 同樣又係睇過雜誌報導都知,呢d又係一上到去根本唔係講座,而係屈人俾錢買會籍騙局,十萬八萬買返黎係永遠唔會用得到的東西,佢地會扣起你張咭碌左先,再用人牆戰術加疲勞轟炸迫你簽名,只要你意志堅定話要報警,就可以順利走甩,但係你已經浪費左時間又得唔到獎品,所以不如一開始學我咁鬧爆佢收線算數!

(三)傳銷騙局

有d類似旅遊會籍騙局,但其可怕之處係由你至信任的親友們出手欺騙你,而唔係單純一條茂丙打黎昆你. 傳銷騙局多數都係由你的舊同學,親戚朋友約你食飯,跟住話唔記得帶野,叫你陪佢上去佢"公司"拎野,一上到去就介紹佢公司,叫你聽講座,跟住又係人牆戰術加疲勞轟炸迫你俾錢加入,再俾一d唔值錢既貨品俾你,話俾你聽好值錢(同寶藥黨,高科技黨招數差唔多),又話好好賣可以賺成千萬,仲叫你帶埋d親戚朋友落疊咁你就可以發大達云云. 有時都會叫d"傳銷雞"在網上交友的地方昆d狗公出黎,然後用對波頂佢上去行騙,有時都會出賣色相,故有"傳銷雞"之稱.

但其實我覺得只要唔係低能就唔會中招,邊有可能咁易賺錢?咁香港仲點會有窮人呀?果d咩香薰(最狼係亮x思),健康食品(hxxx life)等等都唔值咁多錢,幾十元貨賣你幾千幾萬元,用個腦諗下都知無可能咁多人用咁值錢. 不過為免你有時間思考,佢地會成班人迫你,再加上出賣你的果位親戚朋友都會落足嘴頭叫你借財務公司,實在非常令人心寒!!

受害者都係18至廿幾歲的年輕人,本兔18歲時都遇過一個成年無聯絡的同學打黎叫我聽講座,話有得搵大錢云云,我一聽就知佢中左咩騙局,叫佢回頭是岸,佢係懶醒果類人,成日覺得自己最叻,又睇唔清自己咩身份,又成日講大話,覺得有佢呃人無人呃到佢的人,仲覺得要搵大錢好容易,唔駛好似其他人咁辛苦工作,剛好傳銷就係昆呢種人,咁佢要俾人呃我都阻唔到,忠告俾左佢就算,點知佢仲話:"我都係想幫你咋! 本來想預埋你一齊搵大錢,你要窮咪繼續囉!" 咁我都知佢中毒幾深,話唔定佢已經係一隻"傳銷雞",所以我收左線都覺得好唏噓......

(四)認親認戚白撞騙局

呢個就最好笑,都唔知點解會有人中招,我以為只有阿婆阿伯先會係目標,點知原來佢地咩人都會試! 仲要係當面先好笑! 本兔試過收到電話(無來電顯示)佢一開始唔出聲,就係想等人講野,問佢係咪邊個邊個,再認屎認屁,但係我喂左幾聲之後佢改變策略,話自己係某某疏堂親戚(我都唔記得左係咩),我一聽到知咩事就唔洗講即收線,真係采佢都有味!

公貓遇到果次仲搞笑,因為係條街度當面問佢:"我係咪見過你?" 咁果時公貓以為佢係公司(好大間,超多同事)同事之類的物體,於是就問:"下?你係邊個呀?" 點知條友話:"唔係呢,我真係見過你,係咪咩教會?"(呢個時候公貓就知佢係白撞黨,都唔明點解佢會覺得公貓有去教會!貓對此都覺得好嬲!) 跟住當然係即走啦! 條友居然跟埋黎,仲追住問:"我記得你啦,你大個左咁多,你升左中幾呀?"(佢講呢句簡直低能,如果識貓,無理由唔知貓的年紀同外表有幾大落差) 公貓返黎同我鬧條友都痴能線! 出黎做野成十年問佢升中幾!! 有病返屋企食藥啦!! 呢d咁既騎呢怪真係好少遇到,當笑話聽下就算~

仲有林林總總的手法,係街問你有無散銀找換的又有,直頭問你要錢的又有,話自己無帶錢的都有,本兔都一慨不理,不知人生經驗豐富的你又遇過幾多呢? 不妨跟兔子分享一下~

DoctorRabbit 發表在 痞客邦 留言(0) 人氣()

最近公貓掟左條link俾我,係關於兩單港女(呢個名詞有d誤導,不過算啦,唔解都明)想呃人又撞版的經歷,

由於好經典(或者你我都遇過!?)又好爆笑,所以當笑話咁轉貼黎同大家分享~

-----------------------------------------------------------------------
Case 1:


上個星期係出面識左個18歲既女仔.................(佢主動約我出街.第一次單獨見面約睇戲食反.飯後.經過朗豪坊西武裏面化粧專櫃到.見到有枝香水....

佢話....嘩>>>>好靚bo....靚吾靚呀
我話...靚.....幾靚呀
佢話...我好鐘意呀
我話...鐘意咪買lor
佢話...不過我冇$呀..........
我話...咁....等出糧先買lor
佢話...不如你買比我呀....
我話...吾買....
佢話...ya.........我真係好鐘意呀(驕爹聲線)
我話...吾買....走la..吾買..............
佢話...乜你咁(石)嫁?? 解說:石= 孤寒
我話...乜你第一次見面就叫人送野比你ka??(d sales望住我地出門口)
佢話...咁鐘意ma..乜你咁石嫁??(又重覆講........................)
我話...不如我下次介紹d有$.又靚既男仔比你識呀?
佢話...咁我又吾係做雞......乜乜乜乜....xxyx
我話...拿.....做雞呢家野..就兩樣野黎個bor(高音)....吾該你分清楚d
做雞係要比人(小)
而你乜野都無做過lor...
佢當時好(淦介)係咁拿住部手机打電話 ......

之後...我仲同佢食飯..(佢仲恨同我食)...我埋單時....我仲特登把銀包放係桌面..係佢面前.羅左5張一千蚊紙出黎數.裏面抽左一張500蚊出黎埋單....我見到佢表情.....O...左...........搞笑

第一.....我當佢係FRIEND
第二.....$..我.....吾係無....食飯...睇戲.買水都係我搶彊比$...而佢第一次單獨約會就連少少禮儀都吾識... ........


前兩日..佢打比我問:哥次同你睇戲張飛...調左末呀???
我話...吾好玩LA.....梗係調左...........吾好玩LA(長音)......
佢話...我愛黎儲嫁...咁點呀?
我話...咁點呀?
佢話...咁....你第日得閒可以打比我KA........

 

其實送幾百蚊野比人.雖然吾算咩$
如果有個人.係街度問你攞$搭車,但日日都見到佢係街度問其他人攞$.吾知你地又會吾會比$佢呢???
其實好簡單..但最重要送得個心舒服......才算值得
不過..我地係吾會助長呢個風氣嫁

 

上文呢位男士算好,同佢講道理,居然仲請埋佢食飯,係我? 一早走左啦!!

講開又講,我又真係遇過呢種人,可能因為大家都係女仔(我中五的同學),佢無咁大膽講到出口要我送,

但係就不斷咁重覆佢好想要但係又無錢買(真係講左半日!!),而我當時就係咁叫佢找到兼職先買

--------------------------------------------------------------------------------------------------------------------
Case 2

呢件事都幾搞笑...想同大家分享下...from 某網友
好多真係出黎呃飯食飯...

(以下真人真事)...我個fd有次係 MSN 識左個女仔...同佢傾左幾次之後...出鈬睇戲食飯...當然個女仔食完就走la...多謝都無聲...
我個fd同我講開...我就話得我add得個女仔...試下約佢...睇下係咪呃飯食la...
今次我有心試佢...就話同佢去食茶餐廳...點知條女就話佢去唔慣茶餐廳...就推介去d中上餐廳...飯後又係唔夾錢...提都唔提俾番錢我...

第二次我再約佢...佢仲要問明去邊到食飯...我問佢想去邊...佢一開口就話會展食自助餐...我當然同佢去la...飯後我叫埋單時...就先去左洗手間...諗住試下佢...等佢俾$先...點知出到去..返黎後..........
佢都係無埋張單...張單放係.係面等我埋...我簽單後...佢仲立即話夜要返屋企...我話夜送佢...佢都唔肯...錢又係無夾返俾我...

第三次我咪決定屈返佢一餐勁囉...今次約佢去食

日本菜...佢諗都唔諗就即刻答應出黎...當晚我約埋我個fd...我先上去...
坐左一陣我個fd上去扮撞倒...一齊食...
係個晚我地又開酒...龍蝦刺身...象拔蚌刺身...唔貴唔叫...我諗無5, 6千蚊都唔使落樓...到差不多上甜品時...我同個fd扮去洗手間...之後一齊係後樓梯走...留番張單得條女自己攪掂...3,4個字後...條女有打電話搵我...我飛左去留言信箱...條女差d鬧爆我個電話...真係咩仇都報晒...
雖然唔係個個係咁...但真係有d係專業借機呃飯食...風度唔係對呢d人用囉...

 

哈哈~~!!呢單睇完真係笑死左!!

第一,條港女撞版撞得夠大獲,好笑扺死有報應;

第二,條港男都唔係好人,咁多時間周圍主動約d港女出黎大鬥法,又唔去做正經野;

第三,衰人對衰人,最後無論邊個仆左街都大快人心~!

唔知大家又有咩睇法呢?

DoctorRabbit 發表在 痞客邦 留言(1) 人氣()

從e-mail收到的一篇文章,覺得太有意思,一定要貼出來分享一下:

年輕漂亮想嫁有錢人,金融家的回復令人拍案叫絕


 一個年輕漂亮的美國女孩在美國一家大型網上論壇金融版上發表了這樣一個問題帖:我怎樣才能嫁給有錢人?
  “我下面要說的都是心裏話。本人25歲,非常漂亮,是那種讓人驚豔的漂亮,談吐文雅,有品位,想嫁給年薪 50萬美元的人。你也許會說我貪心,但在紐約年薪100萬才算是中產,
本人的要求其實不高。
  這個版上有沒有年薪超過 50萬的人?你們都結婚了嗎?我想請教各位一個問題——怎樣才能嫁給你們這樣的有錢人?我約會過的人中,最有錢的年薪 25萬,這似乎是我的上限。要住進紐約中央公園
以西的高尚住宅區,年薪25萬遠遠不夠。我是來誠心誠意請教的。有幾個具體的問題:
一、有錢的單身漢一般都在哪里消磨時光? (請列出酒吧、飯店、健身房的名字和詳細地址。)
二、我應該把目標定在哪個年齡段?
三、為什麼有些富豪的妻子看起來相貌平平?我見過有些女孩,長相如同白開水,毫無吸引人的地方,但她們卻能嫁入豪門。而單身酒吧裏那些迷死人的美女卻運氣不佳。
四、你們怎麼決定誰能做妻子,誰只能做女朋友? 
(我現在的目標是結婚。)”——波爾斯女士


  下面是一個華爾街金融家的回帖:
  “親愛的波爾斯:我懷著極大的興趣看完了貴帖,相信不少女士也有跟你類似的疑問。讓我以一個投資專家的身份,對你的處境做一分析。我年薪超過50萬,符合你的擇偶標準,所以請相信我並不是在浪費大家的時間。
  從生意人的角度來看,跟你結婚是個糟糕的經營決策,道理再明白不過,請聽我解釋。拋開細枝末節,你所說的其實是一筆簡單的“財”“貌”交易:甲方提供迷人的外表,乙方出錢,公平交易,童叟無欺。但是,這裏有個致命的問題,你的美貌會消逝,但我的錢卻不會無緣無故減少。事實上,我的收入很可能會逐年遞增.而你不可能一年比一年漂亮。
  因此,從經濟學的角度講,我是增值資產,你是貶值資產,不但貶值,而且是加速貶值,你現在25,在未來的五年裏,你仍可以保持窈窕的身段,俏麗的容貌,雖然每年略有退步。但美貌消逝的速度會越來越快,如果它是你僅有的資產,十年以後你的價值堪憂。
  用華爾街術語說,每筆交易都有一個倉位元,跟你交往屬於“交易倉位元”(tradingl
position),一旦價值下跌就要立即拋售,而不宜長期持有——也就是你想要的婚姻。聽起來很殘忍,但對一件會加速貶值的物資,明智的選擇是租賃,而不是購入。年薪能超過50萬的人,當然都不是傻瓜,因此我們只會跟你交往,但不會跟你結婚。所以我勸你不要苦苦尋找嫁給有錢人的秘方。順便說一句,你倒可以想辦法把自己變成年薪50萬的人,這比碰到一個有錢傻瓜的勝算要大。
  希望我的回帖能對你有幫助。如果你對“租賃”感興趣,請跟我聯繫。”——羅波.坎貝爾(J‧P‧摩根銀行多種產業投資顧問)

DoctorRabbit 發表在 痞客邦 留言(1) 人氣()