有時我覺得自殺的定義都幾模糊,到底怎樣才算自殺呢?
我一向對自殺的定義係,明知做一些事會令自己死亡,但照樣去做.
但明知會死,係100%必死,還是95%會死都去做都算自殺呢? 咁90%呢? 85%又如何?
到底預計死亡機率幾高才算是自殺呢?
下面有幾個案例我諗左好耐,想俾大家思考下,我一直覺得好有趣:
case 1
二戰時候的德軍名將隆美爾元帥,因為捲入涉嫌參與暗殺希特拉的行動而被懷疑,希特拉派人告訴休假中的隆美爾,他有兩個選擇,一就是服毒自殺,那麼他就可以繼續享有帝國元帥的身分舉行國葬,其家人亦不會被牽連追究.二就是立即回去受審,但要是被判有罪的話,不只要失去元帥身份上絞刑台,連家屬都會受到牽連而全數投入集中營,隆美爾的副官立即提議隆美爾起兵謀反,絕地反擊,放手一搏,但最後隆美爾覺得沒有勝算,又不想連累家人,所以選擇了服毒......
顯然隆美爾是被希特拉迫死的,但史學家對於他到底算是自殺還是被殺仍然有不少爭議,而他的家人就在戰後在他的墓碑上加上"為了保護家人而犧牲自己"的墓誌銘.
那麼,各位認為隆美爾元帥算不算自殺?
case 2
時值1553年,發現人類是靠氣體交換入血而維持生命的塞爾維特,因為"散播異端邪說罪"在日內瓦被教會抓獲,還說自己"無罪可認"而搞到自己慘過燒死,被人用慢火烤兩小時,全身底面兩面焦黑至死; 1600年,布魯諾因為發表<日心說>理論,推翻教廷"地球是全宇宙中心"的講法而被指散播異端邪說,更拒絕"認罪",於是被燒死在意大利的百花廣場上(大家去開意大利旅行一定要去呢度"朝聖"!); 但33年後,同樣主張<日心說>的伽利略卻在教廷的百般拷問折磨下"認罪",還寫了懺悔書而可免一死,不過餘生就要在監禁中渡過......
好了,現在問大家,不肯"認罪"的兩位烈士---塞爾維特和布魯諾算不算自殺?
佢地明知唔"認罪"就會死,但係仲唔認,咁佢地做出一d 100%死硬的事喎~
但係佢地又係俾人用火燒喎,咁又算唔算自殺呢?
case 3
大慨十年前上下,俄羅斯有一間歌劇院被十幾個持槍以及全身綁滿炸彈的車臣恐怖份子闖入,脅持了大約700名人質,要求俄羅斯從車臣徹軍,否則引爆炸彈殺死全部人質.俄羅斯軍方拖延時間,等過左5日,個個恐怖份子筋疲力盡的時候,趁主謀上左控制室休息之制,放毒氣入去主歌劇廳,令到大部分恐怖份子和人質昏迷,過了一小時軍方人員才帶住氧氣罩衝入歌劇院殺死所有恐怖份子,包括在控制室沒有受毒氣影響的主謀及隨從都被亂槍打死.
呢班恐怖份子明顯就視死如歸啦,但係佢地從來都無按過個引爆裝置喎~
並且在俄軍強攻之下仍然駁火想走,即係有生存意圖啦~只係火力唔夠而死,
但佢地出發時都知九死一生,不過最後成身子彈又唔係佢地想既,
咁到底佢地又算唔算係自殺呢?
case 4
又係二戰前值,希特拉剛剛上任,陸軍有人不滿希特拉及其政黨,於是希特拉當然是逐一除之而後快,生安白做莫須有砌生豬肉,總之你諗得出估唔到既方法都有,其中一個陸軍軍官就被誣陷是同性戀,叫鴨唔俾錢,有損陸軍聲譽而受審,因為都幾嚴重,件事搞到好大,陸軍有好多人都知佢咩事俾人屈,有唔少人支持佢,或者出庭做證(佢果日唔係自己一個),同埋隻鴨收左錢講d大話係自相矛盾又信唔過,証供太多不可信之處而又無物證,所以砌佢唔入,但係就耐唔耐唱佢一兩獲,升職又無佢份,加上越來越大的壓力,佢受唔住留在首都的痛苦,生無可戀傷心絕望而申請調去前線,無幾耐佢一條友係前陣衝鋒陷陣時被子彈打死.
各位覺得佢係咪自殺呢? 個粒子彈唔係佢射既,而上前線亦都唔一定死,
但佢好明顯有尋死的意圖,如果佢算自殺,咁自願上前線的英勇軍咪全部都......
除此之外,在世貿大樓雙子塔倒塌前衝入災場救人而詢職的消防員,佢地一定知道棟野極有可能榻落黎,但仍然"置生死於道外",做出一d明顯有極高可能性會死的行為,實果死左,佢地又算唔算自殺呢?
另外,衝出馬路係人都自危險,亂過馬路又明知自己行得慢的阿婆阿伯又算唔算自殺?
大家覺得呢? 怎樣的行為才算是自殺?
留言列表
